لا صار خلك مستحق المسبه

لا صار خلّك مستحـق المسبّـه
سبّه ترى العشاق غيـرك يسبّـون

لا آبوه لا آبو الحب من قلب سبّه
لا آبو الغرام اللي يحدّك على الهون

يا لعن أبو قلـب غشيـم يحبّـه
ملعون والقلب اللي يغليـه ملعـون

أقول من هبّاك يـا خبـل هبّـه
الدون ما يسلك معاهم سوى الدون

عزّ الجفـا ولا هـوان المحبـه
مآخوذ من يصبر على الذل مغبـون

أظهر قواة البأس والضعف خبّـه
ترى الضعيف ضعيف لا طعم لا لون

الرأس ما أحد يقطعه غير ربّـه
أقول عزّ النفس ما أقول لك هـون

خلّـه يولّـي لا يذلّـك بحـبّـه
أبعد وتلقاهم علـى البعـد يدنـون

وإلا أنت لو ترقد وبالعين شبّـه
أبرك من اللي يجرحونك ويسلـون

يا جاهل إفهم خذ من العلم لبّـه
إصبر وتنسى والعـذارى ينسّـون

وسلامتكم

تحياتي للجميع

بوصالح